Təqaüd Qazanan Tələbələr Proqramlaşdırma Yolunda İlk Addımı Atdı
Oktyabr Kohortu Start Götürdü: PeerStack Academy-də Gələcəyin Developer-ləri Kod Yazır
Hər kodun bir ilk sətri olur. Oktyabr ayında PeerStack Academy-də yeni kohortun tələbələri də məhz o sətri yazdı. Kimisi üçün bu, aylarla ertələdiyi qərarın başlanğıcı idi, kimisi üçün isə illərlə arzuladığı IT karyerasının ilk addımı. Bu qrupda 50+ nəfər var və hər birinin öz hekayəsi var. Kimisi universitetdə oxuyur və diplomdan əvvəl real bacarıq qazanmaq istəyir. Kimisi başqa sahədən gəlib və karyerasını yenidən qurmağa hazırdır. Kimisi isə sadəcə “mən də bunu bacararam” deyib risk edib. Hekayələr fərqlidir, amma məqsəd ortaqdır: kod yazmağı praktikada öyrənmək və developer kimi komandaya qoşulmaq. Bakıda IT kursları çoxdur, proqramlaşdırma kursları arasında seçim etmək isə asan deyil. Bu qrupu fərqləndirən şey isə sinifə necə düşdükləridir. Namizədlər yalnız bal və ya diplomla yox, motivasiyası və hədəfi ilə seçilib. Çünki kod yazmağı öyrətmək mümkündür, amma öyrənmək istəyini öyrətmək mümkün deyil. Oktyabr kohortunda frontend developer olmaq istəyənlər interfeysləri, backend developer olmaq istəyənlər sistemin arxasındakı məntiqi, fullstack developer olmaq istəyənlər isə hər ikisini bir yerdə öyrənir. SWE — Go, Rust istiqamətində isə daha dərin sistem proqramlaşdırması gedir. Hər proqram portfel layihəsi ilə bitir, ilişəndə isə mentor yanındadır. Bu, PeerStack Academy-də yalnız başlanğıcdır. Növbəti aylarda bu tələbələrin hansı layihələr qurduğunu və hansı çətinliklərdən keçdiyini də bölüşəcəyik.
Oktyabr kohortunda hansı proqramlar var?
Bu dövrdə dörd istiqamət üzrə dərslər keçirilir: Frontend: istifadəçinin gördüyü və toxunduğu interfeysləri qurmaq Backend: sistemin arxasındakı server, məntiq və verilənlər bazası Fullstack: ön və arxa tərəfi bir yerdə idarə edən tam məhsul yaratmaq SWE — Go, Rust: daha dərin sistem proqramlaşdırması və performans yönümlü həllər Hər proqram praktiki bacarıqlara və portfel layihələrinə yönəlib.
Növbəti kohorta qoşul
Oktyabr kohortunu qaçırmısansa, növbəti qəbula hazırlaşa bilərsən. Hədəfini və motivasiyanı düşün, çünki təqaüd məhz bunlara görə verilir. Qeydiyyat və şərtlər üçün:https://peerstack.tech/apply
Oxşar bloqlar
Gələcəyin Front-End developeri ol
Daha çox oxu
İnnovasiya lideri Bakcell ilə birgə Beynəlxalq İKT-də Qızlar Gününə həsr olunmuş tədbir keçirildi
Daha çox oxu
18 Fevralda Peerstack Academy və İnnovasiya lideri Bakcell ilə “The Tech Builders” layihəsi çərçivəsində ilk tədbir baş tutub!
Daha çox oxu